Sheeko gaaban.
Magaalo ayaa waxa ku wada noolaa labo nin oo la kala odhan jirey Damaaci iyo Xaasid. Xaasid waxa uu lahaa Maqaaxi shaaha laga cabbo, Damaacina maqaaxida ayuu yimaaddaa , wuxuna fadhiistaa kursiga ugu quruxda badan, waxna maqaaxida kama iibsado.
Maalintii danbe ayaa Xaasid yidhi nin yohow kursiga ugu fiican ayaad fadhiisataa waxbana igama iibsatide, ama wax iibso ama I dhaaf, " Damaaci ayaa ugu jawaabey " aniga waxa la I yidhaahdaa Damaaci, kursiga quruxda badanna cid uma quudho, inaan wax kaa iibsadona kuu quudhi mayo ", Xaasid ayaa yidhi " anna Xaasid baa la I yidhaahdaa , inaad kursi qurux badan ku fadhiisato oo aadan wax iga iibsan kuu quudhi maayo !!!".
Labadii nin ayaa isu fiirsaday , mise labada magac waa labo magac oo xun, saamaynna ku yeeshay, dabadeed waxay isku af-garteen inay u tagaan culimada oo ay ka ducaystaan..
Waxay u yimaadeen nin wadaad ah , waxay ku yidhaahdeen shiikhow labadaas magac ee xun-xun nooga ducee, shiikhii wuxu ugu war celiyey , waa idiin ducaynayaa, laakiin ducadu waxay maqbuula noqonaysaa in midkiin duceeyo, waxa uu ku duceeyana, kan kale ayaa loo laban laabayaa.
 |
|
|